Aмир Темур қачон расман бутун Мовароуннаҳрнинг амири сифатида эълон қилинганини биласизми?
Бугун 11 апрель. Қуйида шу сана билан боғлиқ айрим муҳим байрамлар, воқеалар, жараёнлар ва шахслар ҳақидаги тарихий маълумотлар ҳақида ўқийсиз.
Бундан 1888 йил аввал, яъни 146 йилда Рим императори Люций Септимий Север мужмал сиёсат ва бошқарув оламига кириб келган.
217 йил – Опилий Maкрин Рим императорига айланган.
1241 йил – Венгрия қироли Бела IV Шайо дарёси бўйидаги жангда Ботухон лашкари томонидан тор-мор этилган.
1370 йил – Соҳибқирон Aмир Темур расман бутун Мовароуннаҳр амири сифатида эълон қилинган.
1492 (вафоти 1549) йил – қирол Франциск I нинг синглиси, Франциядаги илк аёл ёзувчилардан бири Маргарита туғилган.
1755 (вафоти 1824) йил – инглиз кимёгари, геолог ва шифокор, ҳозирда Паркинсон касали деб номланган хасталикка таъриф-тавсиф берган Жеймс Паркинсон туғилган.
1810 (вафоти 1895) йил – археолог, шарқшунос, дипломат, лингвист, оссурияшунослик асосчиларидан бири, қадимги форс ва Оссурия – Бобил миххатларини ўқишга ҳисса қўшган Генри Кресвик Роулинсон Чадлингтон шаҳрида бесарҳад илм-фан оламига келган.
1857 йил – император Александр II икки бошли бургут суратли Россия салтанати гербини тасдиқлаган.
1868 йил – Япония бошқарувида сёгунлик тугатилган.
1909 йил – 4 минг йиллик тарихга эга Яффа ёнида Тель-Авив (“Навбаҳор тепалиги”) шаҳрига асос солинган.
1919 йил – Миллатлар Лигаси қошида Халқаро Меҳнат ташкилоти тузилган.
1927 йил – Белоруссия конституцияси қабул қилинган.
1928 (вафоти 1998) йил – “Град”, “Ураган”, “Смерчь”, “Гиацинт”, “Тюльпан” артеллерия тизимлари кашфиётчиси бўлмиш конструктор Юрий Калашников дунёга келган.
1935 йил – механик олим, Ўзбекистонда хизмат кўрсатган фан арбоби Шукрулла Йўлдошев таваллуд топган.
1945 йил – Бухенвальд концлагери тутқунлари исён кўтарган.
1945 (вафоти 2012) йил – волейболчи, 2 карра Олимпия чемпиони, жаҳон кубоги соҳибаси, Ўзбекистонда хизмат кўрсатган ёшлар мураббийси, хизмат кўрсатган спорт устаси Вера Дуюнова Галушкада туғилган.
1947 йил – тиббиёт фанлари бўйича Ўзбекистон ФА академиги Тамарахон Арипова дунёга келган.
1947 йил (вафоти 2020 йил) – фантаст-ёзувчи, Ўзбекистон халқ шоири Анвар Обиджон туғилган.
1983 йил – Халқаро “Қизил китоб”га киритилган ноёб қуён тури биринчи марта суратга олинган.
2008 йил – Вашингтонда журналистика музейи очилган.
2024 йил – РФ Давлат думасида хорижликларнинг сохта никоҳига қарши қонун қабул қилинган.
