Amir Temur qachon rasman butun Movarounnahrning amiri sifatida e’lon qilinganini bilasizmi?

Bugun 11 aprel. Quyida shu sana bilan bog‘liq ayrim muhim bayramlar, voqealar, jarayonlar va shaxslar haqidagi tarixiy ma’lumotlar haqida o‘qiysiz.

Bundan 1888 yil avval, ya’ni 146 yilda Rim imperatori Lyusiy Septimiy Sever mujmal siyosat va boshqaruv olamiga kirib kelgan.

217 yil – Opiliy Makrin Rim imperatoriga aylangan.

1241 yil – Vengriya qiroli Bela IV Shayo daryosi bo‘yidagi jangda Botuxon lashkari tomonidan tor-mor etilgan.

1370 yil – Sohibqiron Amir Temur rasman butun Movarounnahr amiri sifatida e’lon qilingan.

1492 (vafoti 1549) yil – qirol Fransisk I ning singlisi, Fransiyadagi ilk ayol yozuvchilardan biri Margarita tug‘ilgan. 

1755 (vafoti 1824) yil – ingliz kimyogari, geolog va shifokor, hozirda Parkinson kasali deb nomlangan xastalikka ta’rif-tavsif bergan Jeyms Parkinson tug‘ilgan.

1810 (vafoti 1895) yil – arxeolog, sharqshunos, diplomat, lingvist, ossuriyashunoslik asoschilaridan biri, qadimgi fors va Ossuriya – Bobil mixxatlarini o‘qishga hissa qo‘shgan Genri Kresvik Roulinson Chadlington shahrida besarhad ilm-fan olamiga kelgan. 

1857 yil – imperator Aleksandr II ikki boshli burgut suratli Rossiya saltanati gerbini tasdiqlagan.

1868 yil – Yaponiya boshqaruvida syogunlik tugatilgan.

1909 yil – 4 ming yillik tarixga ega Yaffa yonida Tel-Aviv (“Navbahor tepaligi”) shahriga asos solingan.

1919 yil – Millatlar Ligasi qoshida Xalqaro Mehnat tashkiloti tuzilgan.

1927 yil – Belorussiya konstitutsiyasi qabul qilingan.

1928 (vafoti 1998) yil – “Grad”, “Uragan”, “Smerch”, “Giatsint”, “Tyulpan” artelleriya tizimlari kashfiyotchisi bo‘lmish konstruktor Yuriy Kalashnikov dunyoga kelgan. 

1935 yil – mexanik olim, O‘zbekistonda xizmat ko‘rsatgan fan arbobi Shukrulla Yo‘ldoshev tavallud topgan.

1945 yil – Buxenvald konslageri tutqunlari isyon ko‘targan.

1945 (vafoti 2012) yil – voleybolchi, 2 karra Olimpiya chempioni, jahon kubogi sohibasi, O‘zbekistonda xizmat ko‘rsatgan yoshlar murabbiysi, xizmat ko‘rsatgan sport ustasi Vera Duyunova Galushkada tug‘ilgan. 

1947 yil – tibbiyot fanlari bo‘yicha O‘zbekiston FA akademigi Tamaraxon Aripova dunyoga kelgan.

1947 yil (vafoti 2020 yil) – fantast-yozuvchi, O‘zbekiston xalq shoiri Anvar Obidjon tug‘ilgan.

1983 yil – Xalqaro “Qizil kitob”ga kiritilgan noyob quyon turi birinchi marta suratga olingan. 

2008 yil – Vashingtonda jurnalistika muzeyi ochilgan.

2024 yil – RF Davlat dumasida xorijliklarning soxta nikohiga qarshi qonun qabul qilingan.