Кўприк устидан учиб ўтган автобус
Эҳтимол, баъзи бир фильмларда автомобилларнинг бир кўприкдан иккинчисига осонгина учиб ўтган саҳналарни кўргансиз. Ҳақиқий ҳаётда-чи? Бундай нарса мумкин эмас, деб ўйлайсизми?
Лондонда шаҳар ва Британия рамзларидан бири ҳисобланадиган Тауэр кўприги устидан учиб ўтганавтобус ҳақида бутун бир шаҳар афсонаси бор. Вақти-вақти билан икки томонга кўтариб қўйиладиган икки тавақали бу кўприк остидан 1984 йилдан бери мунтазам равишда транспорт воситалари ва кемалар ўтади: унинг 83 градусгача кўтариладиган 65 метр узунликдаги марказий оралиғи икки қанотга бўлинган. Авваллари кунига 50 мартагача очиладиган кўприк эндиликда ҳафтада бир неча марта “очилади”.
1952 йилнинг 30 декабрь куни Лондондаги классик икки қаватли автобус ҳайдовчиси Альберт Гюнтер хотиржамлик билан ўз йўналиши бўйича транспорт воситасини бошқариб кетаётган эди.
Тўсатдан кўприк бўйлаб кетаётган Гюнтер олдидаги йўлнинг ғойиб бўлаётганини кўриб ҳайрон бўлди: унинг автобуси ҳеч қандай эълонларсиз кўтарилган кўприк устида қолиб кетаётган эди. Гюнтер педални қаттиқ босди ва автобусни ярмигача кўтарилган кўприкнингиккинчи ярми устига учириб ўтказди.
Турли ҳисоб-китобларга кўра, ўша пайтдаги очилган бўшлиқнинг узунлиги 1 метрдан 2 метргача бўлган. Автобусда 20 нафар йўловчи бор эди. Ажабланарлиси, бу ҳодисада фақатгина оёғи синган кондуктордан бошқа ҳеч ким жабрланмади.
Бир йўловчи воқеани қуйидагича тасвирлаб берди:
- Биз ҳатто нима содир бўлаётганини тушунолмай,ўзимизни кўтарилаётган кўприк устида кўрдик.Унинг биринчи қисмидан ўтишимиз биланоқ қаттиқ урилиш эшитилди, мен автобус полига йиқилиб тушдим. Бир сониядан сўнг автобус тўхтади, ҳайдовчи бамайлихотир ўрнидан туриб, бизга қарама-қарши томонда ҳосил бўлган жарликни кўришга ишора қилди. Унинг сўзларига кўра, кўприк айнан автобус кетаётган пайтда кўтарила бошлаган экан.
Ҳайдовчининг бундай қийин вазиятдан чиқишиучун иккита йўл бор эди: Биринчиси, автобусни тўхтатиш... Мабодо кўприк назоратчилари унипайқаб қолиб, кўтарилишни тўхтатган тақдирда ҳам автобус орқага сирпаниб кетиб, баландликдан ерга ёки дарёга қулаб кетиши мумкин эди. Иккинчи йўл эса устунлар оралиғидан сакраб ўтиш... У иккинчи йўлни танлади.
Ҳайдовчи уруш пайтида танк ҳайдаганини ва танклар бундай манёврларни ҳеч қандай муаммосиз бажара олишини айтди. Шу тариқа автобус кўприкнинг нариги томонига ўтиб олди.
Жазоландими ёки мукофотланди?
Нега кўприк унинг устидаги транспорт билан бирга кўтарила бошлади? Буларнинг барчаси оддий инсоний бепарволик туфайли содир бўлди: назоратчи кўприкни ёпишни унутиб қўйган. Унинг кейинги тақдири ҳақида тарих сукут сақлайди.
Гюнтер ишлари эса янада қизиқарли бўлиб кетди. Кимдир у ҳақда: лицензияси бекор қилинди, жаримага тортилди, ишдан бўшатилди, қамоққа юборилди, деб айтган. Аслида эса жасорати ва топқирлиги учун ҳайдовчи мукофотланди: унга 10 фунт-стерлинг (бугунги кунда бу тахминан 350 доллар) мукофот пули ва қўшимча дам олиш кунлари берилди.
Гюнтер узр сўраб чиққан масъул ташкилотданқўшимча 35 фунт-стерлинг олди. Бонус сифатидабир ҳафталик барча харажатлари тўлаб берилган денгиз бўйидаги таътил кирди, айтишларича, утурмуш ўртоғи ва икки фарзанди билан беш йил ичида биринчи марта дам олишга чиққан экан.
Бу воқеалардан кейин Гюнтер яна ўша маршрутбўйича ишига қайтди ва илгаригидак ҳаёт кечирди.
Баҳора Муҳаммадиева тайёрлади.
