Армрестлинг: Самарқандлик спортчилар Осиё чемпионатида 50 та медални қўлга киритди

17-25 ноябрь кунлари Самарқанд шаҳрида ёшлар, ўсмирлар ва катталар ўртасида спортнинг армрестлинг тури бўйича Осиё кубоги баҳслари бўлиб ўтди. Мусобақада 22 давлатдан 1300 нафардан зиёд спортчи иштирок этди.

Беллашувлар натижасига кўра, медаллар жамғариш бўйича қозоғистонлик спортчилар биринчи, ўзбекистонликлар иккинчи ва қирғизистонлик спортчилар учинчи ўринни эгаллади.

Мусобақада 69 нафар самарқандлик спортчи 9 та олтин, 12 та кумуш ва 29 та бронза медалини қўлга киритди.