Дунёдаги энг кучли паспортлар рейтинги янгиланди. Ўзбекистон нечанчи ўринда?
Henley Passport Index 2026 йилги рейтингига кўра, Сингапур кетма-кет учинчи йил дунёдаги энг кучли паспортга эга мамлакат бўлди. Сингапур фуқаролари 192 та мамлакат ва ҳудудга визани олдиндан расмийлаштирмасдан ёки чегарада олиш орқали сафар қилиши мумкин.
Иккинчи ўринни Япония ва Жанубий Корея эгаллади — уларнинг фуқаролари учун 188 та йўналиш очиқ. Учинчи ўриндан Дания, Люксембург, Испания, Швеция ва Швейцария жой олди — 186 та йўналиш.
Австрия, Бельгия, Финляндия, Франция, Германия, Греция, Ирландия, Италия, Нидерландия ва Норвегия паспортлари билан 185 та йўналишга визасиз ёки соддалаштирилган тартибда сафар қилиш мумкин.
Бешинчи ўринни Венгрия, Португалия, Словакия, Словения ва БАА эгаллади — 184 та йўналиш. Хорватия, Чехия, Эстония, Мальта, Янги Зеландия ва Польша фуқаролари учун 183 та йўналиш очиқ.
Буюк Британия Австралия, Латвия ва Лихтенштейн билан бирга еттинчи ўринни эгаллаб, 182 та йўналишга кириш имкониятига эга. АҚШ эса 179 та йўналиш билан ўнинчи поғонадан жой олган.
Рейтингда энг заиф паспорт Афғонистонники бўлиб қолмоқда. Унинг
галари визани олдиндан расмийлаштирмасдан бор-йўғи 24 та йўналишга сафар қилиши мумкин.
Henley Passport Index рейтинги 199 та паспорт ва 227 та йўналишни қамраб олади. Рейтингни тузишда визасиз кириш, келган жойда виза олиш ҳамда электрон сафар рухсатномасидан фойдаланиш имкониятлари ҳисобга олинади.
Кейинги йилларда Ўзбекистон паспортининг халқаро нуфузи ҳам ошиб бормоқда. 2026 йилги Henley Passport Index рейтингида мамлакат 74-ўринни эгаллаб, Ўзбекистон фуқаролари учун 59 та давлат ва ҳудудга визасиз ёки соддалаштирилган тартибда сафар қилиш имконияти яратилган.
