Эндиликда ишга велосипедда қатнаш мумкинми?
Ички ишлар вазирлиги матбуот котиби Шоҳрух Ғиёсов АОКАда бўлиб ўтган брифингда велосипед ёки скутерда ишга қатнаш учун қандай ҳужжатлар бўлиши кераклигини маълум қилди.
Унинг сўзларига кўра, 3 хил ҳужжатга эга бўлган фуқаролар ишга велосипед ёки скутерда қатнашлари мумкин. Яъни, улар ёнида ҳар доим «паспорт, иш жойидан гувоҳнома ёки меҳнат дафтарчасининг нусхаси, шунингдек, карантин пайтида ишга жалб этилганлиги ҳақида ташкилотдан рухсатнома бўлиши лозим.
Велосипед ёки скутердан мазкур 3 та ҳужжат билан фақат ишга бориб-келиш учун фойдаланса бўлади. Уларни бошқа мақсадларда ишлатиш карантин қоидаларини бузиш ҳисобланади.
