Имо-ишоралар. Улар нималардан "сўзлайди"?
Инсонлар томонидан беихтиёр бажариладиган имо-ишора ва хатти-ҳаракатлар уларнинг айни дамдаги руҳий ҳолатини акс эттирар экан. Бу руҳшунослар томонидан ўз исботини топган.
Суҳбатдошингиз кафтларини теккизмасдан бармоқ учларини бир-бирига теккизиб сўзласа бу унинг рост сўзлаётгани ва ўзига ишончини билдиради. Қўллар ёки бармоқларни бир-бирига тез-тез ишқалаш эса асабийликни кўрсатади.
Нигоҳлар тўқнашувидан қочиш суҳбатдошингиз сиздан яширадиган сири борлиги ёки сўзлари ёлғон эканлиги белгиси эканини ҳамма билса керак. Кўтарилган қошлар эса одатда ҳайрат ва хавотирни, жиддий суҳбат пайтида эса эътирозни ҳам билдиради.
Сизни галстугини тузатиб, ўриндиқда тинмай қимирлаб, бошини у ёқдан бу ёққа ташлаб тинглаётган одамнинг диққат ва эътибори сизда эмас. У шунчаки зерикаётган бўлиши ҳам мумкин.
Нигоҳлар тўқнашувидан қочиш суҳбатдошингиз сиздан яширадиган сири ёки сўзлари ёлғон эканлиги белгиси эканини ҳамма билса керак. Қош чимириш ниманинг белгиси? Бу одатда ҳайрат ва хавотирни, жиддий суҳбат пайтида эса эътирозни ҳам билдиради.
Бош силкиш кўп ҳолларда тушуниш ёки розиликни билдирса-да, ноодатий тез-тез бош силкиш ташвиш белгиси. Доимий бош силкиб туриш тингловчи айтилаётган гапларни тушунмаётгани, тушунишга ҳаракат қилаётганининг белгиси.
Қаршингиздаги одам қўл ёки оёқларини "х" ҳарфи кўринишида бир биридан ўтказиб олиши унинг мулоқот учун ёпиқлигини англатади. Бундан ташқари, бу ҳолат ҳимояни ҳам билдириб, одам танқид ва янгиликларни тўғри қабул қилмаслиги ва ҳозир музокаралар учун қулай вақт эмаслигини англатади.
Музокараларда биринчи бўлиб қўл узатиш ҳурмат ва эътибор белгиси саналар экан.
Кишининг сўзлаш давомида тез-тез юз соҳасига тегиниши, қошини қашиши, бурни ёки қулоғини ушлаб қўйиши унинг руҳий ҳолати сокин эмаслигини, ҳаяжонланаётгани ёки алдаётганини англатар экан.
Имо-ишоралар "тили" бир бутун ҳиссий қурилма. Уни одамларда кузатиш учун тўлиқ ўрганиш керак бўлади. Йўқса, шунчаки шамоллаб қолган суҳбатдошингизни ёлғончига чиқариб қўйишингиз ҳеч гап эмас.
