Институт ётоқхонасини жиҳозлашдаги талон-торожликлар фош этилди

Бош прокуратура ҳузуридаги Департаментнинг Навоий вилояти бошқармаси томонидан Давлат инвестиция дастурига киритилган объектларда бюджет маблағларининг мақсадли сарфланишини ўрганиш юзасидан ўтказилган терговга қадар текширувда “Ягона буюртмачи хизмати” корхонаси ва “К.o.” МЧЖ мансабдор шахслари Навоий Давлат педагогика институти ётоқхонасини жиҳозлаш тўғрисидаги ҳужжатларга сохта маълумотлар киритиб, ҳақиқий баҳоси 556,1 миллион сўм бўлган 31 турдаги жиҳозлар ва мебеллар тўпламларининг нархларини 2,3 миллиард сўмга ошириб кўрсатиш орқали 1,7 миллиард сўм бюджет маблағларини ўзлаштириш йўли билан талон-торож қилганликлари аниқланган.

Бу ҳақда Бош прокуратура матбуот хизмати хабар берди.

Мазкур ҳолат юзасидан “Ягона буюртмачи хизмати” ИК ва “К.o.” МЧЖ мансабдор шахсларига нисбатан Жиноят кодексининг тегишли моддалари билан жиноят иши қўзғатилиб, тергов ҳаракатлари ўтказилмоқда.