Иштихонда мактаб директори ўринбосари ўқувчини калтаклаган (видео)
Ижтимоий тармоқларда 2019 йилнинг 28 декабрь куни Иштихон туманидаги 3-умумтаълим мактаби ўқувчиси Суҳроб Қаршибоевнинг мактаб директори ўринбосари Адҳам Рўзиев томонидан калтаклангани ҳақида маълумотлар тарқалди.
Ушбу ҳолат юзасидан Самарқанд вилояти халқ таълими бошқармаси ахборот хизмати муносабат билдирди.
"Бу ҳақда шуни маълум қиламизки, мазкур ҳолат юзасидан айни пайтда туман прокуратураси ҳамда ички ишлар идораси томонидан суриштирув ишлари олиб борилмоқда.
Ҳодисага тўлиқ аниқлик киритилгач, батафсил маълумот берилади", дейилган бошқарма хабарномасида.
