Ishtixonda maktab direktori o‘rinbosari o‘quvchini kaltaklagan (video)

Ijtimoiy tarmoqlarda 2019 yilning 28 dekabr kuni Ishtixon tumanidagi 3-umumta’lim maktabi o‘quvchisi Suhrob Qarshiboyevning maktab direktori o‘rinbosari Adham Ro‘ziyev tomonidan kaltaklangani haqida ma’lumotlar tarqaldi.

Ushbu holat yuzasidan Samarqand viloyati xalq ta’limi boshqarmasi axborot xizmati munosabat bildirdi.

"Bu haqda shuni ma’lum qilamizki, mazkur holat yuzasidan ayni paytda tuman prokuraturasi hamda ichki ishlar idorasi tomonidan surishtiruv ishlari olib borilmoqda.

Hodisaga to‘liq aniqlik kiritilgach, batafsil ma’lumot beriladi", deyilgan boshqarma xabarnomasida.