ЖССТ: дунё аҳолисининг 90 фоизи COVID-19 га қарши иммунитетга эга
ЖССТ маълумотларига кўра, дунё аҳолисининг камида 90 фоизи касаллик ёки эмлаш натижасида пайдо бўлган COVID-19 га қарши иммунитетга эга, деди ташкилот раҳбари Тедрос Адханом Гебрейесус матбуот анжуманида.
Тедроснинг қўшимча қилишича, ўтган ҳафтада 8,5 мингдан ортиқ одам вафот этган бўлса, сўнгги беш ҳафта ичида COVID-19 дан ҳафталик ўлимлар сони бироз пасайган.
"Лекин пандемия бошланганидан уч йил ўтиб, инфекциялар олдини олиш ва ҳаётни сақлаб қолиш учун жуда кўп воситалар мавжуд бўлган бир пайтда буни қабул қилиб бўлмайди", деди у.
ЖССТ раҳбарининг аниқлик киритишича, бугунги кунда "омикрон"нинг 500 дан ортиқ суб-штаммлари мавжуд.
