Капитал бозори: Жамият низоми нега рад этилган?
Ҳозирда вилоятимизда қимматли қоғозлар бозори иштирокчиcи бўлган 27 та юридик шахснинг низом жамғармаларига 111 миллиард 143 миллион сўмлик, 80 миллион 991 дона қимматли қоғозлар чиқариш тўғрисида қарор давлат рўйхатидан ўтказилди.
Тарғибот ва ташвиқот ишларининг самараси сифатида эмитентлар ваколатли бошқарув органлари қарорлари асосида 2 та эмитент низом жамғармасини ошириш мақсадида қўшимча акциялар чиқариш йўли билан қимматли қоғозлар чиқариш тўғрисидаги қарорлар давлат рўйхатига олинди.
Бунда "Samargand hududiy elektr tarmoqlari korxonasi" АЖ устав жамғармасига қўшимча равишда чиқарилган номинал қиймати 1000 сўмдан бўлган 38 759 839 дона 38 759 839 000 сўмлик акция юридик шахс бўлган ягона акциядорга ҳамда "Yangiqo`rg`on paxta tozalash" АЖ низом жамғармасига қўшимча равишда чиқарилган номинал қиймати 1 755 сўмдан бўлган 427 835 дона 7550 850 425 сўмлик акциялар 515 нафар акциядорларнинг тегишли акцияларига бепул жойлаштирилган.
"Samargand hududiy elektr tarmoqlari korxonasi" АЖ томонидан 2020 йил 2 июндаги ариза орқали қиймати 1000 сўмдан бўлган 2 721 142 дона умумий қиймати 2 721 142 000 сўмлик, эгасининг номи ёзилган оддий акциялар қўшимча чиқарилишини давлат рўйхатидан ўтказиш учун тақдим қилинган ҳужжатлар тўплами амалдаги қонун ҳужжатлари талабларига мувофиқлиги таҳлил қилинди. Эмитент низом капиталига қўшимча равишда оддий акциялар бўйича жорий йил 20 январь куни қимматли қоғозлар чиқарилиши тўғрисидаги қарор давлат рўйхатидан ўтказилган ҳолда ягона акциядорга жойлаштириш йўли билан оширилган. Шунга қарамасдан, жамият низомига эълон қилинган акциялар миқдорини камайтириш бўйича ўзгартириш ва қўшимчалар киритилмаганлиги сабабли рад этилган.
Бошқарманинг 2020 йил 10 июндаги кузатув хати орқали амалдаги қимматли қоғозлар бозорига оид қонун ва қонуности ҳужжатлари талабларига мувофиқ жамият низомига ваколатли рўйхатга олувчи органлар орқали эълон қилинган акциялари миқдорини камайтириш бўйича ўзгартириш ва қўшимчалар киритилганидан сўнг ҳужжатлар қайта тақдим қилиниши тўғрисида эмитентга амалий кўмак берилди.
Шундан сўнг эмитент бошқаруви томонидан Самарқанд шаҳар давлат хизматлари марказидан жамият уставига эълон қилинган акциялари миқдорини камайтириш бўйича ўзгартириш ва қўшимчалар киритилган ҳолда тегишли зарурий ҳужжатлар жорий йилнинг 23 июнь куни қайта тақдим қилинди. Жамият устави бўйича қимматли қоғозлар бозорига оид қонунбузилиш ҳолатлари бартараф қилинди.
Норбой ЖЎЛМАТОВ,
Капитал бозорини ривожлантириш агентлиги вилоят ҳудудий бошқармаси бошлиғи.
