Коронавирус сабабли Бельгияда комендант соати жорий этилади
Бельгия ҳукумати мамлакатда COVID-19 инфекцияси билан касалланиш сони кўпайганлиги сабабли коронавирусга қарши курашиш чора тадбирларини кучайтиради. Бу ҳақда Argumenti.ru нашри маълум қилди.
Хусусан, мамлакатда 19 октябрдан бошлаб, соат 00.00 дан 05.00 га қадар комендант соати жорий этилади. Ушбу вақт давомида аҳолига заруратсиз уйдан кўчага чиқиш тақиқланади.
Бундан ташқари, ресторан ва барлар фаолияти тўхтатилади, фақатгина етказиб бериш хизмати орқали фаолият юритишга рухсат берилади.
