Past Darg‘omda “Ayollar daftari”ga kiritilgan xotin-qizlar tibbiy-ko‘rikdan o‘tkazildi

O‘zLiDeP Samarqand viloyati kengashi “Ayollar qanoti” tashabbusi bilan Respublika ixtisoslashtirilgan onkologiya va radiologiya ilmiy-amaliy tibbiyot markazi hamkorligida Past Darg‘om tumani tibbiyot birlashmasida onkolog shifokorlar ishtirokida “Ayollar daftari”da ro‘yxatda turgan, ijtimoiy himoyaga muhtoj ayollar uchun bepul tibbiy ko‘rik o‘tkazildi.

Mazkur xayrli tadbir  “Sog‘lom oila - mustahkam oila” loyihasi doirasida onkologik kasalliklarni oldini olish, saraton va saratonoldi kasalliklarini erta aniqlash va davolash maqsadida tashkil etildi.

Tibbiy ko‘rikka sohaning yetakchi olimlari va nevropotolog, jarroh, endokrinolog, akusher-ginekolog, kardiolog, urolog kabi yuqori malakali shifokorlar jalb etildi.

O‘zLiDeP Samarqand viloyati Kengashi axborot xizmati.