Покистон: масжиддаги теракт қурбонлари сони ошмоқда
Сўнгги маълумотларга кўра Покистоннинг Пешовар шаҳридаги масжидда юз берган портлашда 72 дан ортиқ киши қурбон бўлган, 157 дан ортиқ киши жароҳатланган. Масжидда одам кўп бўлган вақтда худкуш-террорчи портловчи қурилмани ишга туширган.
Портлаш жойида қутқарув ишлари олиб борилмоқда. Расмийлар қурбонлар сони ортиши мумкинлигини истисно қилмаяпти.
Маҳаллий матбуот хабарига кўра, мамлакатда тақиқланган "Покистон толибон гуруҳи" ҳужум учун жавобгарликни ўз зиммасига олган. Улар Покистонда ислом қонунларини янада кучайтириш, қамоқдаги гуруҳ аъзоларини озод қилиш ва мамлакатнинг собиқ қабилавий ҳудудларида ҳарбийлар сонини камайтириш учун курашмоқда.
Пешоварда фавқулодда ҳолат жорий қилган.
