Қозоғистонда «СамАвто» SAZ LE60 автобусларини ишлаб чиқариш бошланади
26 май куни Самарқанд автомобиль заводи ва «СарыаркаАвтоПром» Қозоғистонда СамАвто SAZ LE60 паст полли автобусларини ишлаб чиқаришни бошлаш тўғрисида битим имзоладилар.
Серияли ишлаб чиқариш июнь ойида бошланади ва шу йил охирига қадар 200 дона техника сотувга чиқарилади. 2022 йилда бу рақамни 1000 донага етказиш режалаштирилган.
Эслатиб ўтамиз, 2021 йилдан бери паст полли «СамАвто» SAZ LE60 автобуси янгиланган версияда ишлаб чиқарилмоқда. Янгиланган моделга "Ғилдиракли транспорт воситаларининг хавфсизлиги тўғрисида"ги ЕИБ Божхона иттифоқининг техник регламентига мувофиқлик сертификати топширилди. Олинган сертификат Россия, Қозоғистон, Беларусь, Арманистон ва Қирғизистонда 2024 йилгача амал қилади.
