Қозоғистондаги олтита туманда сув етишмаслиги сабабли фавқулодда ҳолат режими жорий этилди
Жамбул вилоятидаги 6 та ҳудудда табиий фавқулодда ҳолат эълон қилинган.
Шу муносабат билан, вилоят маъмурияти юқорида айтилган ҳудудларда ҳавонинг аномал иссиқлиги ва сув танқислиги туфайли фермерлар кўрган зарарларни қоплаш учун Республика ҳукуматининг фавқулодда захирасидан маблағ ажратиш тўғрисида қарор қабул қилиниши кутилмоқда.
Суғориш суви етишмаслиги ва об-ҳавонинг ғайритабиий иссиқлиги туфайли ҳосилнинг нобуд бўлиши ўтган йилга нисбатан 25-30 фоизни ташкил этмоқда.
Аввалроқ фавқулодда режим жорий этишни деҳқонлар сўрагани айтилганди.
