Самарқанд туманида захирадаги ер майдони савдоси билан боғлиқ фирибгарлик ҳолати фош этилди
Бош прокуратура ҳузуридаги Департаментнинг Самарқанд тумани бўлими ходимлари томонидан фуқароларнинг ҳуқуқ ва манфаатларини ҳимоя қилиш юзасидан терговга қадар текширув ўтказилди.
Унда фуқаро Ж.С. “Ў.Т.” МФЙ ҳудудидаги 6 сотих захирадаги ер майдонини фуқаролар М.Қ. ва О.Ҳ.га расмийлаштириб олиб беришни ваъда қилиб, эвазига уларнинг 10 500 АҚШ долларини фирибгарлик йўли билан қўлга киритганлиги аниқланиб, шундан 2 000 АҚШ долларини қайтарганлиги процессуал тартибда расмийлаштирилган.
Мазкур ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилиб, тергов ҳаракатлари ўтказилмоқда.
