Самарқандда теннис бўйича халқаро турнир ўтказилмоқда

Самарқанд шаҳридаги “Динамо” теннис кортида ўсмирлар ва қизлар ўртасида теннис бўйича “ITF World Tennis Juniors” халқаро теннис федерацияси мусобақалари тақвимига кирувчи турнир ўтказиляпти.

Мусобақада Ўзбекистон, Россия, Беларусь,Туркия, Туркманистон, Тожикистон, Қозоғистон, Қирғизистон каби давлатларнинг 130 нафарга яқин теннисчилари беллашмоқда.

Иштирокчилар яккалик ва жуфтлик баҳсларида беллашади ва ғолиблар халқаро рейтинг очколарига эга бўлади.

Турнирнинг финал баҳслари 30 апрелда ўтказилади.