Samarqandda tennis bo‘yicha xalqaro turnir o‘tkazilmoqda
Samarqand shahridagi “Dinamo” tennis kortida o‘smirlar va qizlar o‘rtasida tennis bo‘yicha “ITF World Tennis Juniors” xalqaro tennis federatsiyasi musobaqalari taqvimiga kiruvchi turnir o‘tkazilyapti.
Musobaqada O‘zbekiston, Rossiya, Belarus,Turkiya, Turkmaniston, Tojikiston, Qozog‘iston, Qirg‘iziston kabi davlatlarning 130 nafarga yaqin tennischilari bellashmoqda.
Ishtirokchilar yakkalik va juftlik bahslarida bellashadi va g‘oliblar xalqaro reyting ochkolariga ega bo‘ladi.
Turnirning final bahslari 30 aprelda o‘tkaziladi.
