ШҲТ Самарқанд саммитига бағишлаб тайёрланган почта маркаси муомалага киритилди

Тақдимотда Шанхай ҳамкорлик ташкилотига аъзо давлатлар миллий координаторлари иштирок этди.
– Ушбу муҳим воқеа муносабати билан Ахборот технологиялари ва коммуникацияларини ривожлантириш вазирлиги ташаббуси билан “Ўзбекистон почтаси” акциядорлик жамияти томонидан саммитга бағишланган махсус почта маркаси (почта блоки кўринишида) тайёрланди, – дейди Ўзбекистон маркаси филиали директори Санжар Низамов. – Жорий йилнинг сентябр ойидан Ахборот технологиялари ва коммуникацияларини ривожлантириш вазирлиги томонидан муомалага киритилди.

Почта маркасида Шанхай ҳамкорлик ташкилотига аъзо бўлган давлатларининг байроқлари, саммит логотипи ҳамда Самарқанд шаҳрининг герби тасвирланган. Марканинг орқа фонида эса Регистон майдони жойлашган.
Тадбирда Ахборот технологиялари ва коммуникацияларини ривожлантириш вазири Ш.Шерматов қатнашди.