ШҲТга аъзо давлатлар раҳбарлари ва давлат вакиллари Остона саммитида қандай баёнотлар берди?

Шанхай ҳамкорлик ташкилоти Бош котиби Чжан Мин:

- ШҲТнинг ўтмишдаги, ҳозирги ва келажакдаги тараққиёти ва юксалиши “Шанхай руҳи” билан ўзаро боғлиқ.

Қосим-Жомарт Тоқаев:

- Ташкилотнинг кенгайиш жараёни янги имкониятларни очиб беради ва унинг ривожланишига туртки бўлади.

Владимир Путин:

- Мамлакатларимиз ўзаро ҳисоб-китобларда миллий валюталардан фойдаланишни оширмоқда. Россиянинг ШҲТда ўз тўлов ва ҳисоб-китоб механизмини яратиш таклифини эслатиб ўтаман.

Садир Жапаров:

- 2025 йилда Қирғизистонда ШҲТ Ёшлар рақамли форумини ўтказиш режалаштирилган.

Шавкат Мирзиёев:

- ШҲТнинг асосий тамойилларига содиқлигимизни сақлаб қолиш ва янада мустаҳкамлаш ғоят муҳим, бунинг натижасида ташкилотнинг бугунги муваффақиятлари, халқаро муносабатлардаги юксак нуфузи ва барқарорлаштирувчи роли ўсмоқда.

Си Цзиньпин:

- ШҲТ давлатлари ривожланиш ҳуқуқини ҳимоя қилиши керак.

Муҳаммад Мохбер:

- Эрон энергетика соҳасида сиёсий воситалардан фойдаланишга кескин қарши.

Субраҳманям Жаишанкар:

- Ҳиндистон ва Хитой чегара ҳудудларидаги муаммоларни ҳал қилиш учун саъй-ҳаракатларини икки баравар оширади.

Эмомали Раҳмон:

- Ташкилот (ШҲТ) халқаро муносабатларнинг муҳим иштирокчиси сифатидаги мақомини қатъий сақлаб туриши ва глобал ривожланишнинг ҳозирги тенденцияларига мос равишда ўзгариб бораётган дунёга мослашиши керак.

Александр Лукашенко:

- Ташкилотимиз нуфузи ошиши, иттифоқчи ва тарафдорлар доираси кенгайиши учун бор куч-ғайратимизни ишга солишга ҳаракат қиламиз. Биз бир қутбли дунё деворларини йўқ қилишга қодирмиз.