Тошкентда икки ёшли бола балкондан тушиб кетиб, вафот этди

Тошкент шаҳри, Сирғали туманидаги Чоштепа маҳалласида даҳшатли фожиа юз берди.

Маҳаллий ҳокимият томонидан кам таъминланган оилаларга ва ногиронларга берилган янги уйнинг 4-қават балконидан 2 ёшли бола тушиб кетган.

Воқеа юз берганда боланинг онаси уйда бўлмаган. Уйда катталардан аёлнинг собиқ эри меҳмон сифатида бўлган. У ҳам ҳолат қандай содир бўлганини билмай қолган.

Бола югуриб ўйнаб юрган, у очиқ балконга ўтиб, темир йўл тўсиғидан пастга тушиб кетган. У шифохонага боришда йўлда вафот этган.

Сирғали туман Ички ишлар бошқармаси ва туман ҳокими ота-оналардан очиқ балконлари бор хоналарда ёш болаларни назоратсиз қолдирмасликни сўради.