Умумхалқ ҳашарида иштирок этиш ихтиёрий, 1 кунлик иш ҳақи ходимнинг розилиги билан ушлаб қолиниши мумкин

Хабарингиз бор, эртага 30 апрель куни “Маҳалла ободлиги – юрт фаровонлиги” ободонлаштириш ва кўкаламзорлаштириш умумхалқ хайрия ҳашари ўтказилади. 

Умумхалқ ҳашарида иштирок этиш ихтиёрий, ходимларнинг 1 кунлик иш ҳақи фақатгина уларнинг розилиги билан ушлаб қолиниши мумкин. Бу ҳақда АОКАда «Маҳалла» хайрия жамоат фонди республика бошқаруви раиси Дилшод Усмонов иштирокида ўтказилган брифингда маълум қилинди:

Ҳашар давомида:

● 15 минг гектардан зиёд ер-майдонларни ободонлаштириш, 6 минг километрдан ортиқ ариқ ва зовурларни тозалаш;

● 1 миллион тупга яқин мевали ва манзарали кўчат ва 2 миллион тупдан зиёд гул кўчатини ўтқазиш;

● 5 мингга яқин оиланинг уйларини таъмирлаб бериш (бунинг учун фонд ҳисобидан салкам 1 миллиард сўм йўналтирилади);

● 9 мингдан зиёд эҳтиёжманд оила ва 3 мингга яқин якка-ёлғиз қарияга 3 миллард сўмга яқин моддий кўмак кўрсатиш режалаштирилмоқда.