UniRank халқаро тадқиқот маркази 2020 йил учун Ўзбекистон олийгоҳлари рейтингини эълон қилди
Ўзбекистонда энг нуфузли университетлар қайси? UniRank 2020 йил учун мамлакатимизнинг 65 та олий ўқув юрти рейтингини эълон қилиб бу саволга жавоб берди. UniRank рейтингида қуйидаги мезонлар инобатга олинган:
- расмий ва Ўзбекистоннинг тегишли олий таълим тизими билан боғлиқ ташкилоти томонидан аккредитация қилинганлиги;
- камида тўрт йиллик бакалавр ёки магистр даражаси дастурлари жорий этганлиги;
- ўқув курсларнинг анъанавий ва масофавий шаклларда ўтказишни таъминлагани.
Эслатиб ўтамиз, UniRank 2005 йил май ойидан буён йилига икки марта - январь ва июль ойларида дунёдаги барча аккредитациядан ўтган олий ўқув юртларининг рейтинггини таҳлил қилади, каталогини нашр этади.
Жумладан, ушбу марказ жаҳоннинг 200 давлатидаги 13000 та олий ўқув юртларининг рейтинги юзасидан тадқиқот ўтказади. Бешта холис ва мустақил веб-кўрсаткичларни ўз ичига қамраб олган алгоритмга ва Moz Domain Authority, Alexa Global Rank, SimularWeb Global Rank, Majestic Referrring Domains ва Majestic Trust Flow веб-таҳлил манбаларидаги маълумотларга асосланади.
UniRank халқаро тадқиқот марказининг Ўзбекистон олий ўқув юртлари рейтинги билан ушбу (https://www.4icu.org/uz/) манба орқали танишишингиз мумкин.
