UniRank xalqaro tadqiqot markazi 2020 yil uchun O‘zbekiston oliygohlari reytingini e’lon qildi

O‘zbekistonda eng nufuzli universitetlar qaysi? UniRank 2020 yil uchun mamlakatimizning 65 ta oliy o‘quv yurti reytingini e’lon qilib bu savolga javob berdi. UniRank reytingida quyidagi mezonlar inobatga olingan:

- rasmiy va O‘zbekistonning tegishli oliy ta’lim tizimi bilan bog‘liq tashkiloti tomonidan akkreditatsiya qilinganligi;

- kamida to‘rt yillik bakalavr yoki magistr darajasi dasturlari joriy etganligi;

- o‘quv kurslarning an’anaviy va masofaviy shakllarda o‘tkazishni ta’minlagani.

Eslatib o‘tamiz, UniRank 2005 yil may oyidan buyon yiliga ikki marta - yanvar va iyul oylarida dunyodagi barcha akkreditatsiyadan o‘tgan oliy o‘quv yurtlarining reytinggini tahlil qiladi, katalogini nashr etadi.

Jumladan, ushbu markaz jahonning 200 davlatidagi 13000 ta oliy o‘quv yurtlarining reytingi yuzasidan tadqiqot o‘tkazadi. Beshta xolis va mustaqil veb-ko‘rsatkichlarni o‘z ichiga qamrab olgan algoritmga va Moz Domain Authority, Alexa Global Rank, SimularWeb Global Rank, Majestic Referrring Domains va Majestic Trust Flow veb-tahlil manbalaridagi ma’lumotlarga asoslanadi.

UniRank xalqaro tadqiqot markazining O‘zbekiston oliy o‘quv yurtlari reytingi bilan ushbu (https://www.4icu.org/uz/) manba orqali tanishishingiz mumkin.