Уй-жойга субсидия олиш учун оиланинг ойлик даромади қанча бўлиши керак?

Вазирлар Маҳкамасининг 2020 йил 25 мартдаги 182-сон қарори билан тасдиқланган низомга кўра, фуқаролар томонидан уй-жой сотиб олишда давлат бюджетидан субсидия ажратилиши учун оиланинг ўртача ойлик даромади ҳисобга олинади.

Шу жиҳатдан ойлик даромад:

• қишлоқ жойларда — 2 466 000 сўмдан кам бўлмаслиги керак (меҳнатга ҳақ тўлашнинг энг кам миқдори уч баравари). Шу билан бирга 5 671 800 сўмдан юқори ҳам (меҳнатга ҳақ тўлашнинг энг кам миқдори 6,9 баравари) бўлмаслиги керак;

• шаҳарларда — 2 466 000 сўмдан кам бўлмаслиги (меҳнатга ҳақ тўлашнинг энг кам миқдори 3 баравари) ва 6 576 000 сўмдан юқори бўлмаслиги (меҳнатга ҳақ тўлашнинг энг кам миқдори 8 баравари ) керак;

• Тошкент шаҳрида — 2 466 000 сўмдан кам бўлмаслиги ва 7 562 400 сўмдан ошмаслиги (меҳнатга ҳақ тўлашнинг энг кам миқдори 9,2 баравари) лозим.