Халқаро анжуман иштирокчилари муносиб кутиб олинди
“Самарқанд” халқаро аэропортида “Моддий ва номоддий маданий меросни асраш: долзарб муаммолар ва уларни ҳал этиш стратегияси” мавзуидаги халқаро анжуман иштирокчилари тантанали кутиб олинди.
Мамлакатимизнинг турли ҳудудлари ҳамда дунёнинг 80 га яқин давлатидан 140 га яқин халқаро экспертлар, олимлар, Марказий Осиё тарихий-маданий мероси тадқиқотчилари, реставраторлар, Ўзбекистон Республикаси Маданият вазирлиги маданий мерос Департаменти масъул ходимлари, маданият ва туризм соҳасидаги давлат органлари ҳамда маданий меросни сақлаш соҳасида АКТ қўллаш бўйича халқаро экспертлар, таҳлилчилар, давлат ташкилотлари раҳбарлари, таълим соҳаси вакиллари халқаро анжуман доирасида ўтказиладиган қатор тадбирларда, шунингдек, “Шарқ тароналари” XII халқаро мусиқа фестивали очилиш маросимида иштирок этиши кўзда тутилган.
