“Зарафшон” миллий табиат боғида ёввойи ҳайвонлар учун озуқа маҳсулотлари қўйиб чиқилган
Аномал совуқ бошланишидан буён бир неча марта ҳудуддаги тўқайзорларда ҳайвонлар учун сунъий озуқа майдонлари яратилган. Бу ҳақда вилоят экология бошқармаси хабар бермоқда.
Мутахассисларга кўра, кескин совуқ ва қалин қор ёввойи ҳайвонларнинг ҳам озиқланиши ва яшаб қолишида хавф туғдириши мумкин. Шу сабабдан «Зарафшон» миллий табиат боғида Давлат инспекторлари томонидан табиатдаги ёввойи хайвон ва қушларни озуқлантириш мақсадида миллий боғнинг 7 та бўлими ҳудудида режага мувофиқ сунъий озуқа майдончалари яратилиб, ем-хашак озуқа маҳсулотлари қўйиб чиқилган.
