1 октябрь супер-контракт бўйича ариза топширишнинг сўнгги муддати 

2021-2022 ўқув йили учун давлат олий таълим муассасаларига табақалаштирилган (супер контракт) тўлов-контракт асосида ўқишга қабул қилиш бўйича аризалар топширишнинг сўнгги муддати 2021 йил 1 октябрь куни этиб белгиланди. Бу ҳақда олий ва ўрта махсус таълим вазирлиги маълум қилди.

Кириш имтиҳонлари натижаларига кўра, табақалаштирилган (супер контракт) тўлов-контракт асосида ўқиш истагида бўлган абитуриентлардан жорий йилнинг 1 октябрига қадар тегишли олий таълим муассасалари қабул комиссияларига ариза топширишлари сўралади, дейилади хабарда.