24 нафар самарқандлик спортчи Японияда ўтказиладиган ХХ ёзги Осиё ўйинларида иштирок этади
Шу йилнинг 19 сентябрь - 4 октябрь кунлари Япониянинг Аичи префектураси ва Нагоя шаҳрида XX ёзги Осиё ўйинлари бўлиб ўтади.
Унда Ўзбекистон 42 та спорт туридан 396 нафар (224 эркак ва 172 аёл) спортчи билан қатнашади.
Ўзбекистон тарихда биринчи марта Осиё ўйинларида пляж волейболи, волейбол, елканли спорт, сквош ва ММА бўйича иштирок этади. Камондан отиш, чим устида хоккей, теннис, сёрфинг, триатлон ва сквошда Лос Анжелес–2028 Олимпиадаси лицензиялари ҳам ўйналади.
Мусобақада Самарқанддан 12 спорт тури бўйича 24 нафар спортчи терма жамоа сафида юртимиз шарафини ҳимоя қилади.
Жумладан, бокс бўйича Шавкатжон Болтаев (70 кг) Нигина Ўктамова (54 кг), Ситора Турдибекова (60), дзюдодан Маржона Нуриллоева (63), енгил атлетиканинг узунликка сакраш ва уч хатлаб сакраш дастурида Шарифа Давронова, академик эшкак эшиш бўйича Шаҳзод Нурматов, Собир Сафаралиев, Дилшод Худойбердиев, Давржон Давронов, камондан отиш бўйича яккалик ва жамоавий баҳсда Амирхон Содиқов, бадиий гимнастиканинг гуруҳ кўпкураш дастурида Амалия Мамедова, от спортининг яккалик ва жамоавий йўналишида Абдураҳмон Абдуллаев ҳамда каратэ бўйича Дурдона Тўрақулова иштирок этади.
Шунингдек, жамоавий ўйинларда волейбол бўйича Шаҳбоз Мамаюсупов, футболда Фирдавс Абдураҳмонов (Динамо), гандболда Шалола Келдиёрова, чим устида хоккей бўйича Ўғилой Фахриддинова, Мўътабар Амриева, Маржона Маматмуродова, Фотима Абдуғаниева, Мехрангиз Абдуғаффарова, Парвина Файзуллаева, Азаматхон Аббосхонов ва Давлат Толлиббоев қатнашади.
