9 нафар самарқандлик санъаткор, шоир, ҳунарманд ва тиббиёт ходимлари давлат мукофоти билан тақдирланди
Давлатимиз раҳбари бугун, 2023 йил 26 августда “Ўзбекистон Республикаси мустақиллигининг ўттиз икки йиллиги муносабати билан фан, таълим, соғлиқни сақлаш, адабиёт, маданият, санъат соҳалари ва оммавий ахборот воситалари ходимларидан бир гуруҳини мукофотлаш тўғрисида” фармон қабул қилди.
Унга кўра, ватанимиз мустақиллигини мустаҳкамлаш, Янги Ўзбекистонни барпо этиш йўлида амалга оширилаётган ислоҳотларга қўшган муносиб ҳиссаси, ижтимоий ҳаётдаги фаол иштироки учун бир гуруҳ юртдошларимиз фахрий унвон, орден ва медаллар билан тақдирланди. Улар орасида вилоятимиздан қуйидагилар бор:
«Эл-юрт ҳурмати» ордени билан
Хосият Бобомуродова - Самарқанд давлат университети қошидаги аниқ фанларга ихтисослашган мактабнинг маънавий-маърифий ишлар тарғиботчиси
«Дўстлик» ордени билан
Азимов Шариф Турсунович - Республика «Ҳунарманд» уюшмаси аъзоси, кулол
Амриддин Нажмиев - Ўзбекистон Бадиий ижодкорлар уюшмаси аъзоси, ганчкор уста
Погорелова Ольга Васильевна - Самарқанд давлат музей-қўриқхонасининг нумизматика ва махсус сақлаш фонди илмий ходими
Факторович Гилсина Аксановна - Самарқанд вилояти рус драма театри актрисаси
II даражали «Саломатлик» ордени билан
Абдуллаева Наргиза Нурмаматовна - Самарқанд давлат тиббиёт университетининг даволаш ишлари бўйича проректори – кўп тармоқли клиникаси бош шифокори
«Шуҳрат» медали билан
Қурбонов Негмат Туйғунович - Самарқанд шаҳридаги 5-имконияти чекланган шахслар учун махсус маданият маркази раҳбари
Лушникова Елизавета Валентиновна - Самарқанд давлат музей-қўриқхонасининг археология фонди илмий ходими
Соҳибназаров Санъатилло Насруллоевич - Республика «Ҳунарманд» уюшмаси аъзоси, ёғоч ўймакорлиги устаси
