Bu oyda ob-havo nisbatan salqin bo‘ladi

"O‘zgidromet" avgust oyi uchun iqlimiy prognozni e’lon qildi. Unga ko‘ra, boshlangan oyda harorat iyul oyiga nisbatan 1,5-2,5 daraja salqinroq bo‘ladi.

Oyning birinchi besh kunligida kunduzgi havo harorati 33-38 darajani tashkil etadi. Xuddi shunday harorat foni oyning oxirigacha ustunlik qiladi. Lekin markaziy hududlarda harorat qisqa muddatli davrga 40-41 darajagacha, janubda va cho‘l zonasida 41-42 darajagacha ko‘tarilish ehtimoli bor. Biroq jazirama uzoq davom etmaydi. O‘rtacha 1-2 kun bo‘lishi mumkin.

Avgust oyining ayrim kunlarida respublika bo‘yicha ba’zi joylarda qisqa muddatli yomg‘ir yog‘ib o‘tishi kutiladi.