Бу ойда об-ҳаво нисбатан салқин бўлади

"Ўзгидромет" август ойи учун иқлимий прогнозни эълон қилди. Унга кўра, бошланган ойда ҳарорат июль ойига нисбатан 1,5-2,5 даража салқинроқ бўлади.

Ойнинг биринчи беш кунлигида кундузги ҳаво ҳарорати 33-38 даражани ташкил этади. Худди шундай ҳарорат фони ойнинг охиригача устунлик қилади. Лекин марказий ҳудудларда ҳарорат қисқа муддатли даврга 40-41 даражагача, жанубда ва чўл зонасида 41-42 даражагача кўтарилиш эҳтимоли бор. Бироқ жазирама узоқ давом этмайди. Ўртача 1-2 кун бўлиши мумкин.

Aвгуст ойининг айрим кунларида республика бўйича баъзи жойларда қисқа муддатли ёмғир ёғиб ўтиши кутилади.