Юртимизга нам ва илиқ ҳаво массалари кириб келиши кутилмоқда

"Ўзгидромет" хабарига кўра, эртага Ўзбекистон ҳудудига Ўрта Ер денгизи ҳудудларидан нам ва деярли илиқ ҳаво массалари кириб келиши кутилмоқда, бунинг натижасида республика бўйича ҳафта давомида беқарор об-ҳаво бўлади.

1 февралдан 3 февралгача Ўзбекистон бўйича вақти-вақти билан ёмғир ёғиши мумкин. 1-2 февралда ёғингарчилик Самарқанд, Жиззах, Тошкент вилоятларининг баъзи жойларида кучли бўлади.

31 январ ва 1-2 феврал кунлари республика бўйича айрим ҳудудларда шамол тезлиги 15-20 м/с гача кучайиши кутилмоқда.

Ҳаво ҳарорати ҳафта давомида меъёр атрофида бўлади ва кечалари 1 даража совуқ-4 даража илиқни, кундуз кунлари 5-10 даража илиқни ташкил этади.