Бевосита мулоқот-муаммолар ечими

Жомбой туманида вилоят давлат солиқ бошқармаси бошлиғи, 4-сектор раҳбари Шодиёр Аҳмедов ўтказган сайёр қабулда туманда истиқомат қилувчи фуқаролар турли ижтимоий-иқтисодий аҳамиятга эга масалалар юзасидан мурожаат қилди.

Сайёр қабул жараёнида фуқароларнинг ишга жойлашиш, тоза ичимлик суви таъминоти, йўлларни таъмирлаш, саломатликни тиклаш ҳамда уй-жойни таъмирлаш, моддий ёрдам каби масалаларга оид мурожаатлари тингланди.

Тадбир доирасида эҳтиёжманд кишиларнинг 6 нафари ногиронлик таянч аравачаси билан таъминланди. “Гулистон” маҳалла фуқаролар йиғинида истиқомат қилувчи фуқаро Бурхон Дўстмуродов 5 йилдан буён ногиронлик аравачасига муҳтож эди. Ногиронлик аравачаси фуқаронинг уйига олиб борилди.

    -Муҳтарам Президентимиз ташаббуси билан раҳбарларнинг пастга тушиб муаммоларимизни тинглаши мурожаатларнинг тез ечим топишини таъминламоқда – дейди Бурхон Дўстмуродов. - Биз каби ногиронлиги бўлган фуқароларга кўрсатилаётган эътибордан бошимиз осмонда.

Сайёр қабулда келиб тушган барча масалалар ўрганилиб, уларнинг ечими юзасидан масъуллар бириктирилди.

Даврон Равшанов.