Бразилияда бир суткада 30 мингдан ортиқ коронавирус ҳолати қайд этилди

Бразилияда сўнгги кеча-кундузда коронавирус инфекциясидан вафот этганлар сони 1473 нафарни ташкил этди, 30 мингдан ортиқ янги касалланиш ҳолати қайд этилди. Бу ҳақда 5 июнь куни Бразилия Соғлиқни сақлаш вазирлиги маълум қилди.

Вазирлик тақдим этган сўнгги маълумотга кўра, мамлакатда бугунги кунга қадар умумий ҳисобда 614941 нафар коронавирус ҳолати қайд этилган. Кейинги кеча-кундузда 30925 нафар янги касалланганлар аниқланган. Жами 34021 нафар бемор вафот этган ва 255 минг нафарга яқин бемор тузалган.