Prezidentlik saylovlari: Bolsonaro oldinda edi, Silva g‘alaba qozondi
Braziliyadagi prezident saylovlarida chap qanot Ishchilar partiyasi asoschisi va sobiq prezident Lula da Silva g‘alaba qozondi. Oliy saylov sudi yakuniy natijalariga ko‘ra, unga saylovchilarning deyarli 51 foizi ovoz bergan.
Ovozlarni sanash boshidanoq yetakchilikni amaldagi davlat rahbari Jair Bolsonaro qo‘lga oldi, biroq jarayon davomida Silva undan o‘zib ketdi. Bolsonaro, mos ravishda, taxminan 49 foiz ovozga ega.
Rio-de-Janeyroda minglab braziliyaliklar Lula da Silvaning prezidentlik saylovidagi g‘alabasini nishonlamoqda.
