Braziliyada o‘spirin bog‘chada uchta bola va ikki kishini pichoqladi

Braziliyaning janubidagi bolalar bog‘chasida o‘spirin uch bola va ikkita kishini pichoqlab, so‘ng o‘z joniga qasd qilishga uringan, deya xabar bermoqda G1 mahalliy yangiliklar portali.

"Seshanba kuni Santa-Katarinaning g‘arbiy qismida Saudadeshdagi bolalar bog‘chasining uch nafar bolasi va ikki xodimi pichoq bilan hujumda o‘ldirildi", deb yozadi gazeta.

OAV ma’lumotlariga ko‘ra, 18 yoshli yigit 6 oylikdan 2 yoshgacha bo‘lgan bolalar tarbiyalanadigan Aquarela bolalar bog‘chasi hududiga kirib, kattalar va bolalarni machete (uzun pichoq) bilan ura boshlagan. Hujumdan so‘ng, u o‘z joniga qasd qilishga uringan va og‘ir ahvolda mahalliy kasalxonaga yetkazilgan.

Shtat gubernatori Daniela Reyner mintaqada qurbonlar uchun uch kunlik motam e’lon qildi.