Бразилияда ўспирин боғчада учта бола ва икки кишини пичоқлади

Бразилиянинг жанубидаги болалар боғчасида ўспирин уч бола ва иккита кишини пичоқлаб, сўнг ўз жонига қасд қилишга уринган, дея хабар бермоқда G1 маҳаллий янгиликлар портали.

"Сешанба куни Санта-Катаринанинг ғарбий қисмида Саудадешдаги болалар боғчасининг уч нафар боласи ва икки ходими пичоқ билан ҳужумда ўлдирилди", деб ёзади газета.

ОАВ маълумотларига кўра, 18 ёшли йигит 6 ойликдан 2 ёшгача бўлган болалар тарбияланадиган Aquarela болалар боғчаси ҳудудига кириб, катталар ва болаларни мачете (узун пичоқ) билан ура бошлаган. Ҳужумдан сўнг, у ўз жонига қасд қилишга уринган ва оғир аҳволда маҳаллий касалхонага етказилган.

Штат губернатори Даниэла Рейнер минтақада қурбонлар учун уч кунлик мотам эълон қилди.