Андроид қурилмалар учун Zarnews.uz мобил иловаси. Юклаб олиш x

Чемпионатга визасиз

Бир неча кундан сўнг Санкт-Петербургда футбол бўйича Европа чемпионатининг ўйинлари бошланади. Дублин турнирларни ўтказишдан бош тортгани сабабли Нева бўйидаги шаҳарда кўпроқ матч ўтказилади. Еттита учрашувнинг барчаси "Газпром Арена" стадионида бўлиб ўтади.

Турнирнинг Россия ташкилий қўмитаси бош директори Алексей Сорокин майдон тўлиқ тайёр эканлигини таъкидлаб ўтди: "Еттита ўйин жуда кўп. Аммо майдон техник жиҳатдан жуда яхши".

Пандемия сабабли бир йилга қолдирилган юбилей чемпионатига дунёнинг 11 шаҳри мезбон бўлади. Санкт-Петербург раҳбарияти стадион ва мухлислар зонасини ярмигача тўлдиради. Чет элликлар чемпионатга визасиз келишлари мумкин: уларга коронавирусга манфий тест ва ишқибоз паспорти бўлса кифоя.

Ўтган ҳафта шаҳарда COVID касаллиги ошди, расмийлар буни вирус фаолиятининг циклик хусусияти билан боғлашди.