Эркинжон Турдимов болажонларга Президент совғасини берди
Айни пайтларда Самарқанд шаҳридаги “Диёра” базмгоҳида вилоятдаги меҳрибонлик уйлари, махсус мактаб-интернатлар ва SOS болалар маҳалласи тарбияланувчилари ҳамда юртимиз тинчлиги ва сарҳадларимиз дахлсизлигини таъминлаш йўлида хизмат бурчини бажариш чоғида ҳалок бўлган ҳарбий хизматчилар, шунингдек, ҳуқуқ-тартибот идоралари ходимларининг фарзандларидан иборат 1024 нафар болажонларга Президент совғалари берилмоқда.
Дастлаб Самарқанд вилояти ҳокими вазифасини бажарувчи Э.Турдимов болаларни Янги йил байрами билан табриклаб, мамлакатимизда ёш авлоднинг ҳар томонлама соғлом ва баркамол улғайиши, замонавий таълим-тарбия олиши учун барча имконият яратилганини таъкидлади. Сўнгра болажонларга Президент совғасини улашди.
Тадбирда Қорбобо ва Қорқиз, турли эртак қаҳрамонлари иштирокидаги томошалар, бахтли болалик, гўзал диёримиз мадҳ этилган қўшиқлар болаларга бир олам қувонч бағишламоқда.
Бахтиёр МУСТАНОВ олган суратлар.
