Европада ғайриоддий жазирама ҳукмрон
Ғарбий Европа аҳолиси ғайритабиий иссиқдан қийналмоқда. Франциянинг қатор ҳудудларида шанба куни ҳаво ҳарорати Цельсий бўйича 40 даражадан ошган. 14 департамент «қизил», 56 таси «тўқ сариқ» деб эълон қилинган.
Дам олиш кунлари Миллий метеорология агентлиги тарихий рекорд ҳарорат кутмоқда.
Италия шимолида сўнгги 70 йилдаги энг даҳшатли қурғоқчилик Ломбардия минтақасида экинларни нобуд қилиш билан таҳдид қилмоқда.
Мамлакатларнинг қишлоқ хўжалиги маркази бўлган текисликлардаги кўплаб кичик шаҳарларда сув таъминоти чекланган.
