Иккинчи мутахассисликка имтиҳон қандай бўлади?
Айни пайтда 2-мутахассислик учун қабул давом этяпти. Квоталар тасдиқланди. 2-мутахассисликка олий маълумотга эга абитуриентлар ҳужжат топшира олади. 2-мутахассисликка қабул қилинган талабалар тўлов-контракт асосида 2-курсдан ўқишни бошлашади.
2-мутахассисликка кириш имтиҳони шакли, баҳолаш мезонлари, имтиҳон ўтказиш муддатлари олий таълим муассасасининг хусусиятидан келиб чиқиб, олий таълим муассасаси кенгаши томонидан белгиланади ва ҳар йили 1-июлга қадар олий таълим муассасасининг расмий веб-сайтида эълон қилинади.
Демак, 2-мутахассисликда ўқимоқчи бўлган абитуриентлар ўзлари ҳужжат топширган ОТМ расмий саҳифаларини кузатишлари мақсадга мувофиқ.
