Жиддадаги музокараларда нималарга келишилди?

Кеча Саудия Арабистонининг Жидда шаҳрида Украина ва Америка делегациялари ўртасидаги музокаралар бўлиб ўтди.

Бу 28 февраль – Оқ уйда Украина ҳамда АҚШ президентлари Владимир Зеленский ва Доналд Трамп ўртасидаги тортишувдан кейин томонларнинг биринчи расмий учрашуви бўлди.
Ёпиқ эшиклар ортида расмий Киев ва Вашингтон 8 соатдан ортиқ мулоқот қилди:
— Украина Трампнинг тўлиқ ва зудлик билан ўт очишни тўхтатиш ҳақидаги талабига рози бўлди.
— Сулҳ узайтириш имконияти билан 30 кунга амал қилади. Бунинг эвазига АҚШ ҳарбий таъминотни қайта тиклайди ва яна Украина билан разведка маълумотларини алмашади.
— Яқинда АҚШ Москвага ҳам худди шундай таклиф билан чиқади (Оқ уй Путин ҳам сулҳга рози бўлишига умид билдирган).
— Трампнинг махсус вакили Виткофф шу ҳафта Кремлга боради.
Владимир Зеленский ҳам Жиддага етиб келган, бироқ музокараларда иштирок этмади. Трамп Оқ уйда Владимир Зеленскийни кутаётганини айтди.