Кўк чой ичиш кимларга мумкин эмас?

Кўк чой юрак ритмини издан чиқариши мумкин, қон босими паст юрадиган кишиларда эса, уни яна пасайтириб юбориши мумкин.

Мутахассисларнинг сўзларига қараганда, баъзи кишиларга кўк чой ичиш ярамайди.

Бу хусусан, юрак-қон томир тизимида хасталиги бор кишиларга тааллуқлидир.

Шунингдек, ўн икки бармоқ ичагида касаллиги бор кишиларга ҳам кўк чой ичиш мумкин эмас. Бундай ҳолатда кўк чой ичиш ошқозон ва ичакларга зарар етказади.

Кўк чой ичишдан қалқонсимон безларида касаллиги бор кишилар ҳам ўзларини тийишлари лозим.

Эмизикли оналар кўк чой ичишлари уларнинг тиниқиб ухлашларига зарар қилади.

Кўк чойда мавжуд бўлган кофеин ва теофилин моддалари тахикардия хасталигини келтириб чиқариши ва асаб тизими фаолиятини издан чиқариши мумкин.

Глаукома ва подагра касалликлари бор кишиларга бу чойни ичиш тавсия этилмайди.

Чой қанча кўп дам еса, ундаги пурин кислотаси шунчалик кўпаяди.

Бундан ташқари кўк чойни чекланмаган кўп миқдорда ичиш мумкин эмас. Бу эса, буйракларда тош пайдо бўлиши хавфини туғдиради.

Жалолиддин Нуриддинов тайёрлади.