Moskvada 2026 yildan boshlab mehnat muhojirlari uchun patent narxi oshiriladi
Moskva meri Sergey Sobyanin poytaxt hududida mehnat muhojirlari uchun patentlar narxini 8,9 ming rubldan 10 ming rublga (1 mln 475 ming so‘mga) oshirish to‘g‘risidagi qonunni imzoladi.
Hujjat mer va shahar hukumati rasmiy saytida e’lon qilingan.
Qonunga ko‘ra, Moskva shahri mehnat bozoridagi hududiy xususiyatlarni aks ettiruvchi koeffitsiyent 2026 yildan boshlab oshiriladi.
Jumladan, hujjat matnida shunday deyiladi: «1-moddadagi "2025" sonini "2026" bilan, "2,8592" soni esa "2,9323" bilan almashtiriladi».
