Навоийда Янги йил арчасининг ёнишига нима сабаб бўлган?

27 декабрь куни Навоий марказида вилоят ҳокимлиги яқинига ўрнатилган Янги йил арчаси ёниб кетгани юзасидан вилоят фавқулодда вазиятлар бошқармаси изоҳ берди.
Қайд этилишича, ёнғиннинг келиб чиқишига ёғингарчилик натижасида намланган электр симларидаги қисқа туташув сабаб бўлгани тахмин қилинмоқда.

Марказий арча ўрнатилган жойда иккита ёнғин-қутқарув отряди ва битта ўт ўчириш автоэкипажининг навбатчилиги ташкил этилган бўлиб, улар томонидан соат 19:07 да келиб чиққан ёнғин 19:21 да ўчирилган.