Пахтачи тумани ҳокими Музаффар Ҳамдамов: “Биз ишлайлик, баҳони халқ берсин”

Пахтачи тумани вилоят марказидан бирмунча узоқ бўлгани учун оммавий ахборот воситаларида у ердаги ижтимоий-иқтисодий ҳаёт, амалга оширилаётган ишлар, кузатилаётган ўзгаришлар ҳақида кўпам материаллар берилавермайди.

Бундан ташқари, бир неча йил олдин раҳбарларда масс-медиа учун очилиш бўлган даврда кузатилган жўшқинлик бугун сусайгандек.

Шу омилларни ҳисобга олиб туман ҳокими Музаффар Ҳамдамовга бир нечта савол билан мурожаат қилдик.

 - Музаффар Яздонович, суҳбат аввалида бир қур ортга назар солсак. Чунки 2020 йиллардаги интервьюларингизда Қизбуви, Қарнабота тоғ тизмаларида қазилма бойликлар кўплигини, уларга инвесторларнинг қизиқиши катта эканлигини айтгансиз. Орадан қарийб 4 йил ўтди, қандай натижаларга эришилди?

- Ҳақиқатан ҳам Қизбуви, Қарнабота тоғ тизмалари қазилма бойликларига бой ва бу имкониятдан тўғри фойдаланаётган маҳаллий тадбиркорларимиз ҳам етарли. Мисол учун, «Алишер полиз экинлари» фермер хўжалиги раҳбари Улуғбек Бегимов томонидан Кичик Қарнаб ҳудудида 6,4 гектар ер майдонида 200 та иш ўрни яратилиши кўзда тутилган гипс кукуни ишлаб чиқариш лойиҳаси деярли якунига етди. Лойиҳанинг қиймати 3 миллион доллардан зиёд.

Тадбиркор ҳозирги кунда темир-бетон, гипсокартон, кафель маҳсулотлари ишлаб чиқариш лойиҳаларини бошлаган. Бу лойиҳаларни амалга оширишда Хитой давлати билан ҳамкорлик қилинмоқда.

Бундан ташқари, «Мадина савдо белгиси» корхонаси раҳбари Ҳабиб Садиновнинг гипс маҳсулотлари ишлаб чиқариш лойиҳаси ҳам деярли якунига етмоқда. Хитойдан келтирилган ускуналар ўрнатилган лойиҳа қиймати 2,5 миллион долларга тенг. Лойиҳа доирасида 100 га яқин янги иш ўрни яратилиши кўзда тутилган.

Яна бир тадбиркоримиз Бекзод Ибатов эронлик тадбиркорлар билан ҳамкорликда «Арио Гранит» қўшма корхонаси ташкил қилиб, Қарнабота ҳудудида 20 гектар ер майдонида темир-бетон маҳсулотлари ишлаб чиқариш, гранитни қайта ишлаш ва асфальт заводи лойиҳаларини амалга оширмоқда. Бугунги кунда 2 миллион доллар қийматидаги техника ва ускуналар олиб келиниб, қурилиш ишлари олиб борилмоқда.

Қарнабота ҳудудида яна бир тадбиркор Артём Саркисян «Грк Альянс» номли хусусий корхона ташкил қилган. Бу субъект вилоятда каолинни қазиб олиш ва қайта ишлаш фаолияти билан шуғулланадиган ягона корхона ҳисобланади. Ҳозирги кунда бу ерда 100 киши иш билан таъминланган.

Маълумот учун, каолин - қоғоз, чинни, фаянс, кимё, резина саноатида, ўтга чидамли буюмлар ва изоляторлар тайёрлашда ишлатилади. Биргина шу фактнинг ўзи корхонанинг аҳамияти, унинг истиқболи ҳақида аниқ тасаввур беради.

- 2019-2020 йилларда Европа давлатлари билан катта лойиҳалар режалаштирилганди. Кейинчалик улар ё унутилди, ё кутилган натижага эришилмади. Шу маънода кейинги йилларда туманга инвестиция киритиш шиддати пасайгандек. Сиз нима дейсиз?

- Мен қилинган ишлар ҳақида маълумотларга тўхталсам, баҳолашни эса зукко ўқувчиларнинг ўзига қолдирсак.

Туманимизда Англия билан ҳамкорликда «Гранит мининг» корхонаси ташкил қилинган. Бу ерда 90 дан ортиқ иш ўрни яратилган. Турли хил тошларни қазиб олиш ва майдалаш билан шуғулланадиган корхона қуввати ойига 90 минг куб. Ҳозирги кунда корхона нафақат вилоятимиз, балки қўшни Навоий, Бухоро вилоятларига ҳам магистраль йўлларни таъмирлаш ва янги асфальт йўлларни барпо этиш учун маҳсулот етказиб бермоқда.

Жорий йилнинг 1-чорагида корхона фаолиятини кенгайтириш учун корхона таъсисчиси, чет эллик ҳамкор Й.Гаврициак томонидан қўшимча 1 миллион доллар миқдорида тўғридан-тўғри инвестиция киритилди.

Бундан ташқари, 2022 йилда Нидерландиянинг «Ario international» корхонаси билан ҳамкорликда қалай рудасини қазиб олиш ва қайта ишлаш лойиҳасини амалга ошириш учун «Staunum Taurus» қўшма корхонаси очилганди. Корхона томонидан 5 йиллик шартномага асосан қидирув