Ақтаудаги AZAL ҳалокати бўйича келишув: Озарбайжон адолатга эришди
Озарбайжон ва Россия сўнгги йиллардаги ўта оғриқли ва қайғули масалалардан бири бўйича ечимга эришди — AZAL самолёти ҳалокати юзасидан компенсациялар масаласи ҳал этилди.
Бу натижа ойлаб давом этган музокаралар, Бокунинг қатъий позицияси ва Озарбайжон президентининг шахсий саъй-ҳаракатлари самараси бўлди. Қўшма баёнотда авиаҳалокат оқибатларини бартараф этиш ва жабрланганларга товон тўлаш келишилгани тасдиқланди.
Ҳужжатга кўра, 2024 йил 25 декабрда Ақтау яқинида содир бўлган ҳалокат Россия ҳаво ҳудудида ПВО тизимининг беихтиёр ишлаши оқибатида юз бергани аниқланган. Ҳалокатда 67 кишидан 38 нафари ҳалок бўлгани, 29 нафари тирик қолгани эслатилди.
Томонлар компенсациялар тўлашни ўз ичига олган комплекс ёндашувни келишиб олган ва ҳалок бўлганлар оилаларига ҳамдардлик билдирган. Келишув ташқи босимларсиз, икки томонлама мулоқот орқали ишлаб чиқилди. Бу эса ҳатто энг оғир ва фожиали масалалар ҳам сиёсий ирода ва ўзаро ҳурмат орқали ҳал этилиши мумкинлигини кўрсатди.
Озарбайжон адолат, жавобгарлик ва очиқлик тамойилларидан чекинмади. Президент назорати остида олиб борилган изчил сиёсат натижасида адолатли қарорга эришилди ва бу келишув нафақат ҳуқуқий ечим, балки инсон адолатини тиклаш сифатида баҳоланмоқда.
