Розиликсиз мулкни сотиш мумкинми?

- Оила аъзоларининг розилигисиз турар жойни олди-сотди ёки ҳадя ҳамда турар жойнинг бир қисмини нотариал идора орқали ўзга бир шахсга ўтказиб бериш мумкинми?

З.Баҳриддинов,

Самарқанд шаҳри.

- Йўқ. Оила кодексининг 24-моддасига асосан эр (хотин) ўзининг номига расмийлаштирган умумий кўчмас мол-мулкни тасарруф этиш бўйича битим тузиши учун хотин (эр)нинг нотариал тартибда тасдиқланган розилигини олиши лозим. Шунга асосан уй-жойни сотишда турмуш ўртоғингизнинг нотариал тартибда тасдиқланган розилиги зарур бўлади.

Саволга давлат кадастрлари палатаси вилоят бошқармаси ахборот хизмати раҳбари Азамат Нишонов жавоб берди.